Բուրգի ծավալը
Դիտարկենք a կողմով խորանարդ, որում տարված են նրա անկյունագծերը:
Արդյունքում խորանարդը տրոհվում է վեց հավասար կանոնավոր քառանկյուն բուրգերի, որոնց գագաթը անկյունագծերի հատման կետն է:
Քանի որ խորանարդի ծավալը հավասար է՝ Vխ=a3, ապա բուրգերից յուրաքանչյուրի ծավալը կլինի Vբուրգ=a3/6
Հաշվի առնելով, որ բուրգերի հիմքերը խորանարդի նիստերն են՝ Sհիմք=a2 մակերեսով, իսկ բարձրությունները հավասար են խորանարդի կողի կեսին՝ H=a/2, ձևափոխենք բուրգի ծավալի ստացած բանաձևը՝
Vբուրգ=a3/6=1/3⋅a2⋅a/2=1/3⋅Sհիմք⋅H
Պարզվում է, որ ստացված բանաձևը ճիշտ է կամայական բուրգի համար:
Բուրգի ծավալը հավասար է նրա հիմքի մակերեսի և բարձրության արտադրյալի երրորդ մասին՝
Vբուրգ=1/3⋅Sհիմք⋅H
Առաջադրանքներ
Դասարանական առաջադրանքներ՝ 441, 442
Լրացուցիչ առաջադրանքներ՝ 443, 444
19․05․2023թ․
Գլանի ծավալը
Հիշենք, որ պրիզմայի ծավալը հավասար է հիմքի մակերեսի և բարձրության արտադրյալին՝
V=Sհիմք⋅h
Հիմնավորենք, որ նույն կանոնը գործում է նաև գլանի դեպքում:
Դիցուք՝ r շառավղով և h բարձրությամբ գլանին ներգծված է կանոնավոր n-անկյուն պրիզմա:
Յուրաքանչյուր այդպիսի պրիզմայի ծավալը դիտարկվող գլանի ծավալի մոտավոր արժեքն է:
Որքան մեծ է n-ը, այնքան ճշգրիտ է մոտավոր արժեքը:
Պատկերացնենք, թե n→∞
n-ը անվերջ մեծացնելիս, պրիզմայի ծավալը «ձգտում է» գլանի ծավալին:
Քանի որ պրիզմայի ծավալը հավասար է հիմքի մակերեսի և բարձրության արտադրյալին, ապա նույնը տեղի է ունենում գլանի ծավալի դեպքում:
Այսպիսով, գլանի ծավալը հավասար է հիմքի մակերեսի և բարձրության արտադրյալին՝
V=πr2⋅h
Առաջադրանքներ
Դասարանական առաջադրանքներ՝ 447, 448
Լրացուցիչ առաջադրանքներ՝ 449, 450